ក្រុមសមាជិកាព្រឹទ្ធសភា អញ្ជើញចូលរួមវេទិកាជាតិស្តីពី “ស្រ្តីក្នុងភាពជាអ្នកដឹកនាំនិងអភិបាលកិច្ច”
នាថ្ងៃទី២០ ខែវិច្ឆិកា ឆ្នាំ២០២៣ លោកជំទាវ មុំ សណ្តាប់ អនុប្រធានក្រុមសមាជិកាព្រឹទ្ធសភា លោកជំទាវ ស៊ី វណ្ណថា លោកជំទាវ ចឹក ហេង និងលោកជំទាវ ទេព្វ សំអូន សមាជិកាក្រុមសមាជិកាព្រឹទ្ធសភា បានអញ្ជើញចូលរួមវេទិកាជាតិស្តីពី “ស្រ្តីក្នុងភាពជាអ្នកដឹកនាំនិងអភិបាលកិច្ច” ក្រោមប្រធាានបទ “ស្រ្តីក្នុងថ្នាក់ធ្វើសេចក្តីសម្រេចក្នុងវិស័យនយោបាយនិងសាធារណៈ” នៅសណ្ឋាគាររ៉េស៊ីដង់ សុខាភ្នំពេញ ដោយមានស្ត្រីជាថ្នាក់ដឹកនាំមកពីគ្រប់ក្រសួងស្ថាប័ន ភ្ញៀវជាតិ និងអន្តរជាតិ ចូលរួមដោយផ្ទាល់ចំនួន៣០០នាក់ និងចូលរួមតាមប្រព័ន្ធនិម្មិត ចំនួន១៥០០នាក់។
វេទិកាជាតិនេះរៀបចំឡើងដោយក្រសួងកិច្ចការនារី ក្នុងគោលបំណងដើម្បីជំរុញការចូលរួមរបស់ស្ត្រី និងក្មេងស្រី នៅក្នុងតួនាទីធ្វើសេចក្តីសម្រេចនៅគ្រប់កម្រិត ទាំងក្នុងវិស័យនយោបាយ និងសាធារណៈ ដែលប្រព្រឹត្តទៅរយៈ០១ថ្ងៃ ដោយផ្តោតទៅលើប្រធានបទសំខាន់ចំនួន០២គឺ៖
ប្រធានបទទី១៖វេទិកាចែករំលែកបទពិសោធន៍ និងការអនុវត្តល្អៗរបស់ស្ត្រីក្នុងភាពជាអ្នកដឹកនាំក្នុងវិស័យនយោបាយថា្នក់ជាតិ និងក្រោមជាតិ។
ប្រធានបទទី២៖ការលើកកម្ពស់ និងកត្តាជំរុញនានាសម្រាប់ស្ត្រីក្នុងការចូលរួមនៅក្នុងវិស័យសាធារណៈថ្នាក់ជាតិ និងថ្នាក់ក្រោមជាតិ ជាពិសេសបរិបទបរិវត្តកម្មឌីជីថល និងការរៀបចំរដ្ឋាភិបាលឌីជីថល។
ប្រភព៖ នាយកដ្ឋានព័ត៌មាន
